منتدى كلية الهندسة

منتدى لتواصل جميع طلاب كلية الهنسة والخريجين بجامعة الزعيم الازهري - مجمع عباسية
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 التدخين

اذهب الى الأسفل 
كاتب الموضوعرسالة
marwika

avatar

عدد المساهمات : 92
تاريخ التسجيل : 31/08/2009
الموقع : الخرطوم

مُساهمةموضوع: التدخين   الخميس سبتمبر 10, 2009 5:32 am

والله موضوع ماعارفه ابداهو من وين
لكن نفسي اعرف ليه الشباب بيدخنو والمشكلة كثيرين ماعارفين ليه هم بدخو
الواحد يجي الجامعة برلوم مابسجر ولاشغال بيها يصاحب ليهو واحد بيسجر يسجرمعاهو
وهي اصلا تبدا كده
أول مرة يسجر بالدس لانو مامتعود عليها و في الثانوي كانوا بيسجروبالدس شوية شوية ويسجر علني
ولو سالنا عن اسباب التدخين
نلقى في واحدين فاكرنها رجالة وحركات زي دي
وفي وحدين يقولوا ليك كنا زهجانين أو اي اجابة من النوع دا وديل اغلب المدخينين دي اجابتهم وانا من وجة نظري يتخيل لي شوية الدخان البيطلع منو يحسسو إنو طلع حاجة زي اي واحد يكون زهجان يقول أُف وهو لمن يقولها ويطلع معاهو دخان يفتكر انو طلع الجواهومن الزهج وهوماحاسي انو بيزيد فيهو
المهم
نتكلم اولا عن اضرار التدخين
1-معصيه من المعاصي لله تعالى
2-تبذير وضياع للمال
3- يسبب سرطان الرئة والتهاب الرئة المزمن
4- يسبب سرطان الحنجرة
5- يضعف حاسة الشم والذوق
6-يزيد عدد ضربات القلب والاصابة بالوهن والضعف العام
7-يسبب سرطان الشفه واللسان والبلعوم والمرئ
8-جرام واحد من النيكونين اللى في السجارة يكفي لقتل10 كلاب
والاضرار لاتحصى ولاتعد
ولو نظرنا من الناحية المادية لوكل يوم اشترى عشرة او لوبالعادي او البسيط خمسة سجارات يعني في اليوم جنية اوجنيهين تصرف قروشك عشان تضر نفسك وتضر غيرك
* عدد المتوفين بسبب امراض التدخين اكتر بكتير من الخمر والمخدرات مش عشان المخدرات والخمر اخف عشان الناس بتستعمل السجاير بصورة كبيرة
ووجد انو 95%من مرضى سرطان الحنجرة والشرايين من المدخنين

عشان تتخلص من السجارة اذا رغبت
الحل


مافي حل غير انك تتركها فورا بعزيمة قوية وماتخليك زول ضعيف سجارة ماقادر تخليها داشنو الضعف دا سجارة تتحكم فيك

دي شوية حاجات يمكن تساعدك علي تركها
1- اعتمد على الله تعالى وتوكل
2- كلم اصحابك بانك خليت التدخين
3- ابتعد عن اصحابك البيدخنو
4 – اعمل بديل ليها كلما شعرت انك عايز تدخن زي العلك (اللبان)
او تسالي اواي حاجة لمن تخليها
5- اعمل لي نفسك عقوبة كلما دخنت تنفذ العقوبة والعقوبة تكون جامد شوية عقوبة تحس انها تعبتك بالجد زي مثلا تصلي مية ركعة او تصوم 3 ايام متتابعة او اي حاجة

في ناس كتييير سمعو زي الكلام دا واكتر بس دا للتذكره
ولو سمحت إذا ماإقتنعت دخن وآذي نفسك وبس حرام عليك تفرض علي الناس دخانك ولو سمحت دخن بعيد المابدخنو ماليهم ذنب لانو برضو بضرهم وانت لو مابتدخن ماتقعد جنب زول بدخن عشان ماتضر نفسك دخان السيجاره ضررو علي المامدخن اكتر من البدخنها نفسو
مع احترامي لكل المدخنين
وربنا يحفظ كل المعافين من التدخين ويحميهم

شاركونا بارائكم ومقترحاتكم وجزاكم الله خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The Black Knight

avatar

عدد المساهمات : 62
تاريخ التسجيل : 08/09/2009

مُساهمةموضوع: رد: التدخين   الخميس سبتمبر 10, 2009 6:21 am

باش مهندسة مارويكا

انتي متعبة حالك ليه

الزول اللي بيشرب سجاير دا

عارف اضرارها اكتر مما انتي عارفاها
وهو لو عاوز يبطلها ممكن يبطلها

بس المشكلة اللي بتزعل
انو فعلا معتبرين الموضوع رجالة

انا مرة علي موقف
ايام ما كنت في الثانوي
واحد معانا في الحلة قاعدين نتونس شوية قام طلع ليهو علبة سجاير
اخد واحدة وقالي اتفضل .......قلت ليهم شكرا انا ما بشرب
قالي ما تخاف ما حكلم ابوك ...........قلت ليهو شكرا جزيلا
قام قالي انت ما راجل؟؟؟؟......... قلت ليهو لو دا مقياس الرجالة عندك ...اي انا ما راجل


لكن للأسف اصبح التدخين عادة بعدما كانت صفة

لكن التدخين عندو فايدة مهمة
انو برفع اقتصاد الدولة
علشان كدا الواحد يحرص انو يشتري السجاير الوطنية زي( النخلة )

يديك العافية العافية على الموضوع

وتقبلي مروري

_________________
Your Future Depends on Your Dreems..........SO...........Go to Sleep
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
marwika

avatar

عدد المساهمات : 92
تاريخ التسجيل : 31/08/2009
الموقع : الخرطوم

مُساهمةموضوع: رد: التدخين   الخميس سبتمبر 10, 2009 5:34 pm

باش مهندس فارس
كتييرمن الجماعة البدخنو ديل ماقادرين يخلوها
ولمن الواحد يقول ليك إنو لمن يدو يخليها حايخليها
هو اصلا ياإما ماجرب يخليها وهي حاجة صعبة بالجد لانو اصلا ادمان السجاير يقع في المرتبة الثانية بعد المخدرات
ربنا يحفظك ويحميك منها واحييك علي موقفك دا بس في مشكلة في ناس بتقع في نفس الموقف ويبقى ليها سبب في التدخين
ولاحظ اي قروب فيهو واحد بيسجر شوية شوية حايسجروا كلهم
وتاني في حاجة قلت لي تاعبة نفسك ليه؟ انا تاعبة نفسي عشان ناس دفعتنا السنة الفاتت كانوا برالمة مابيسجرو واسي تقريبا نسبة كبيرة بتسجر اصلو العاده السيئة بتتنقل بسرعة
وبعدين نحن ذنبنا شنو مع السجاير بتاعتم هو شرب سجاره ضر نفسو وإتكيف بيها اقل مافيا يسجرها بعيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
branco

avatar

عدد المساهمات : 69
تاريخ التسجيل : 13/08/2009
العمر : 29

مُساهمةموضوع: رد: التدخين   الخميس سبتمبر 10, 2009 7:58 pm

والله يا جماعه موضوع جميل انا دفعتي فيها 13 ولد القروب بتاعنا 10 والله يا جماعه القروب تاعنا دا كلهم علمم السجاير زول واحد بس انا والله يعني مرات مرات باخد لي نفس نفسين وبيني وبينكم انا ماشايف منها اي شئ يقول ليك كيف صحي كيف بالمناسبه ياجماعه لاحظو معاي لي كلمه (كيف) الكلمه زات بتقول كيف بالدارجي كدا لما يجو يقوليك الحاجه دي حصلت كيف مامعروفه هي شنو زاتا وربنا يهديني ويهدي باقي الناس اجمعين امــــــــين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkarib

avatar

عدد المساهمات : 527
تاريخ التسجيل : 03/08/2009
العمر : 35
الموقع : الحلاوين

مُساهمةموضوع: رد: التدخين   الخميس سبتمبر 10, 2009 11:38 pm

والله رجعتو بينا لزمن بعيد
ويصراحة يا باشمهندسين التدخين زي ما قال فارس اهلو عارفين مضارو
اكتر من غيروا تلقاهو يكحكح ويقول ليك دا كلوا من السجايؤ
الله يقطع اليوم اللتعلمنا فيهو الدخان دا وغال يشرب

cherry cherry cherry cherry cherry

عموما الاقلاع عن التدخين اهم شرط فيهو
العزيمة والاصرار انك ما تولع سيجارة
bounce bounce bounce bounce bounce bounce


واسال الله الهداية

ودمتم

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The Black Knight

avatar

عدد المساهمات : 62
تاريخ التسجيل : 08/09/2009

مُساهمةموضوع: رد: التدخين   الجمعة سبتمبر 11, 2009 2:58 am



الواحد مستحيل بيطلها كدا ساي
مهما سمع من كلام نصائح
ا
الا اذا حصل ليهو موقف خلاهو يوقف


لكن بالجد انا اتمنى انو الناس اللي بنعزهم يبطلوا الكلام دا

واختى مارويكا (في اطار الجامعة)

الواحد لما يولع سجارة ما علشان انو (محتاج نيكوتين)
القصة مزاج
علشان كدا انا قلت انو لو عاوز يبطلها ببطلها

اما في قصة الادمان دا (اذا الواحد وصل للمرحلة دي لا سمح الله)

ممكن سجارة واحدة في اليوم او اتنين بالكتير تأدي الغرض

ما بالكمية اللي بشربوها في الجامعة دي

ومتشكرين على اهتمامك

انا اتمنى انو يشاركنا في الموضوع دا زول مدخن
ويورينا قصتو شنو (يعني بداها كيف) وشعورو لما بشربها واثارها عليهو
ومتين خاتي النية انو يبطلها

وتحياتي للجميع

_________________
Your Future Depends on Your Dreems..........SO...........Go to Sleep
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
marwika

avatar

عدد المساهمات : 92
تاريخ التسجيل : 31/08/2009
الموقع : الخرطوم

مُساهمةموضوع: رد: التدخين   الجمعة سبتمبر 11, 2009 3:18 am

المدخنين ديل لمن ربنا يهديهم عايزنهم يكون عندهم شوية اتوكيت
نحنا الجماعة ديل عزبونا عديل بى دخانم دا
والبزعل انو في واحدين في المحاضرات بيسجروها
وماابهتم ساي الحركة دي ماكتييرة بس خايفاها تزيد وتبقى عادي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkarib

avatar

عدد المساهمات : 527
تاريخ التسجيل : 03/08/2009
العمر : 35
الموقع : الحلاوين

مُساهمةموضوع: رد: التدخين   الجمعة سبتمبر 11, 2009 4:16 am

والله اتمنى ذللك
وغايتو ربنا يهدي الجميع
والكل يقلع عن التدخين

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
التدخين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية الهندسة  :: المنتديات :: المنتدى الثقافي-
انتقل الى: