منتدى كلية الهندسة

منتدى لتواصل جميع طلاب كلية الهنسة والخريجين بجامعة الزعيم الازهري - مجمع عباسية
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 قصه من واقع حياتي

اذهب الى الأسفل 
كاتب الموضوعرسالة
branco

avatar

عدد المساهمات : 69
تاريخ التسجيل : 13/08/2009
العمر : 30

مُساهمةموضوع: قصه من واقع حياتي   الجمعة سبتمبر 18, 2009 5:14 pm

مره كنا طالعين من الجامعه بعد انقضاء يوم مرهق جدا مشينا موقف المواصلات في السوق العربي زحمه ومواصلات مافي وكانت الواطه مسخنه شديد مولعه ايام السخانه ديك لو بتذكروها وكنا في قمه الزهج والاستياء وبينما نحن واقفين منظرين لينا حافله عشان ندافر فيها بس عيونا وقعت ليك في خواجيه واقفه في نص الزحمه كانت لابسه ليها بنطلون ضييييييييييييق وفانله سوداء بدون اكمام قصدي اكمام قصيره ونظاره سوداء ولابسه ليها قبعه تشبه بتاعه الناس الببيعو الترمس او حلاوه قطن في الحله وكانت ماسه في يدها هبابه مصنوعه من القماش والخشب يمكن ان تفردها عند الحاجه اليها اوتطبقها وتمسك بها علي يدها علي شكل عصا عاينت لي الخواجيه ومنظرها حيكون كيف وهي حتدافر لو جات حافله
قمت لفت واحد صحبي قلت ليهو : ياربي اسي الخواجيه دي الموديها تدافر في المحل دا شنو
قام قالي : (تعال نخش فيها) يعني نخش معاها في حوار وتعارف
قمت قلت ليهو نخش فيها كيف المدخل شنو (طبعا صحبي دا زول جرئ شديد وعندو روح الفكاهيه)
قالي يازول كدي ادفرني بي جمله بالانجليزي
قلت ليهو : امشي قوليها (هلو ويل كم ان اور كنتري ) ...(مرحبا بك في وطننا السودان )
عجبتو الكلمه وقالي دا مدخل زابط
مشي وقف قدامه ويحرك في شفتيه وانا اتامل المنظر فما كان منها الا ان فردت هبابتها ديك وتهببت ثم تحركت خطوتين نحو اليمين مبتعده قام اتلفت يمين وشمال وما لقا مفر الا ان يرجع لي
قالي الخواجيه بت الكلب دي دايره تعمل تقيله كدي اديني جمله تانيه
قلت ليهو بعد كنت داير اموت من الضحك
كدي امشي قوليها Sadكان اي هلب يو) ...(هل استطيع مساعدتك) فعجبته الفكره تاني
لانه كان لازم حتجيب يا (يس ) يا (نو) او (ثانكس)....(نعم او لا اوشكرا ) فقام مشي في المره دي انا قربت قريب عايز اسمع الرد وبعد وقف قدامها ونطق بتلك الكلمات
كانت المفاجئه
قلعت ليك النظاره ورفعت حواجبيها وقالت ليهو
(انت قصدك شنو يا ابو الشباب
ساعتها لم نتمالك انفسنا وقعدنا نضحك لحد ماقعدنا في الواطه
سالناها في اندهاش بالله انت ماخواجيه
رغم انو كانت في قمه الزهج من السخانه
وزحمه المواصلات الا انها ابتسمت ضاحكه من ذلك الموقف وتم بيننا صداقه وتعارف بصوره غير متوقعه

شنو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
marwika

avatar

عدد المساهمات : 92
تاريخ التسجيل : 31/08/2009
الموقع : الخرطوم

مُساهمةموضوع: رد: قصه من واقع حياتي   السبت سبتمبر 19, 2009 9:34 am

هههههههههههههه
صحيح نهاية غير متوقعة
لكن مع انكم زهجانين والسخانة شديدة عملتوا دا كلوا
طيب لو كان الجو غير كدا والمزاج عالي كان عملتو شنو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
contessa

avatar

عدد المساهمات : 140
تاريخ التسجيل : 12/08/2009
العمر : 31
الموقع : قصر الكونت

مُساهمةموضوع: رد: قصه من واقع حياتي   الخميس سبتمبر 24, 2009 2:27 am

ههههههههههه جميل جدا
لو كنت متاكدين انها ما خواجية
كنت حتعملو كل دا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
semsema ana

avatar

عدد المساهمات : 136
تاريخ التسجيل : 12/08/2009

مُساهمةموضوع: رد: قصه من واقع حياتي   الخميس سبتمبر 24, 2009 3:14 pm

ههههههههههههههههههههههههههههه
من السخانة الخواجيه اتكلمت عربى
وزى ماقالت مرويكا لو ماالدنيا سخانة كان عملتو شنو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
branco

avatar

عدد المساهمات : 69
تاريخ التسجيل : 13/08/2009
العمر : 30

مُساهمةموضوع: رد: قصه من واقع حياتي   الخميس سبتمبر 24, 2009 3:55 pm

نحنا بس عشان الواطه سخان ومافي كان مواصلات حبينا نملا الزمن لحد ماتجي المواصلات
فاهمني يا جماعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alkarib

avatar

عدد المساهمات : 527
تاريخ التسجيل : 03/08/2009
العمر : 35
الموقع : الحلاوين

مُساهمةموضوع: رد: قصه من واقع حياتي   الثلاثاء أكتوبر 06, 2009 2:40 pm

يعني جو السخانة نفع معاكم
هههههههههههههههههههههه

مبرووك الخواجية

_________________
انا الكاررررب المالي خريفي وصيفي.....هيييييييييع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصه من واقع حياتي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى كلية الهندسة  :: المنتديات :: المنتدى الاجتماعي-
انتقل الى: