ماالداعي للتعليم

كلما اذددت علما كلما ذادت حصيلتك المعرفية
كلما ذادت حصيلتك المعرفية كلما اذدت توهنا ونسيانا
كلما اذدت توهنا ونسيانا كلما نقصت حصيلتك المعرفية
فما الداعي للتعليم

الداعي
ان العلم نور
واطلبو العلم من المهد الى اللحد
واطلبوا العلم حتى ولو في الصين
((وما أوتيتم من العلم الا قليلا))
العلم كل الداعي في توسيع الافق والدراية والتطور
حاول غير وجهة نظرك

كلامك صاح يالكارب بس لمن يكون مافي تعليم متقدم ليك
حاتعمل شنو
يبقى تقنع نفسك انو الحاجة المافي انت مامحتاج ليها
وده من الشفناهو من جامعتنا الكريمة خلانا نقول كدا

امكن الجامعة ما وفرت لينا حاجة (هو اكيد ما وفرت حاجة )
لكن انا عن نفسي ادتني حاجة جميلة
العزيمة والاصرار انو من الوضع المزري دا احاول اتعلم
والحاجة السمحة الاكتشفتها انو في السن الجامعية كل واحد بعلم نفسو براهو

لو قعدتي تندبي حظك ما حتتعلمي حاجة
نصيحة زول فاضل ليهو شهرين ويتخرج

في ملاحظة : شكلك اول مرة تشاركي بموضوع حاولي تتقيدي بانك تكتبي المواضيع في اماكنها الصحيحة
حاليا موضوعك في المنتدى الاسلامي وانا شايف انو دا ما محلو
وشكرا على مشاركتك وواصلي اكتر واكتر

شكرا ليك علي نصيحتك
وشكر اخر علي مجهوداتك في عمل المنتدي
تعيش ياإبن يوسف

لا شكر على واجب
ويديك العافية
lol!

الرائع محمد يوسف
زي ما بقول المثل قطعت جهيزة قول كل خطيب
يامرويكا الجامعة يمكن ماتكون ادتنا كتير
بس زي ما قال محمد يوسف الواحد براهو بحت وشغل راسو
وحاول يجيب معلومات
وفعلا العيشة الضنكة ومستوى الجامعة والقهر المركب ولدت فينا الابداعات دي
الدايرو منك ماتستسلمي للحاجة دي
وتبع على قدر ما تقدر
ودمتم

عدد المساهمات : 62 تاريخ التسجيل : 08/09/2009

انا ماعارف الناس دي مستاءة ليه كدا

هي فعلا الجامعة ما في المستوى المطلوب

لكن عموما وعلى مستوى العالم الجامعة توصل الطالب الى 30% الى هدفه
صحيح انه في الجامعات المتحضرة اي حاجة عندك جاهزة والجو مهيئ
لكن في النهاية المهم هو اجتهاد الطالب الشخصي

دا الكلام انا سمعتو كتير لكن ما اقتنعت بيهو الا بعد ما شفت الموضوع دا بنفسي

الواحد بتطور نفسو بنفسو
لكن وبأمانة في حاجة في السودان ما موجودة في الدول المتحضرة

انو الطالب بيتعلم الصبر
بيتعلم كيف يتعامل مع المجتمع
بيتعلم انو يتعب علشان يلاقي الحاجة العاوزها
وبصراحة دي اهم من التعليم نفسو
لأنو الفايدة شنو انو اكون زول مدفق العلم لكن ما بعرف اتعامل مع الناس ومع الشغل نفسو

انتو الكلام دا ما حاسين بيهو لأنكم عايشين هنا

لكن انا عايش اغلب حياتي برا السودان وفعلا حسيت بالفرق دا

اما بنسبة لجامعتنا فالتطوير ما بجي الا من طلابها
ودا موضوع حنتفق عليهو في ما بعد

أتنمى انو تكون رسالتي واضحة
وتقبلي مروري

مرورك نورنا
خليتنا نتفاءل أول مرة أشوف برلوم متفائل زيك
لكن ان شاء الله نتعلم من برلومنا

والله مشكور على المرور
ورسالتك وصلت وبصراحة انا مقتنع جدا بكل حرف قلته لانو
دا الحصل لي لحد ما اتخرجت والحمد لله كنا بناخذ المعلومة ونبحت
لحد ما كملنا
رسالتك واضحة وصريحة وصحيحة
ويديك العافية

عدد المساهمات : 136 تاريخ التسجيل : 12/08/2009

العلم نور وشوفى حواليك واتاملى وتعرفى الداعى للعلم
وذى ماقال يوسف ومحمد الواحد براهو بجتهد عشان اعرف اكتر
اما الجامعه اتصلحت كتير وعلمتنا الكتير وهى اسمها جامعة مش مدرسة مطلوب البحث والاجتهاد ماناخد اى شى جاهز
( ان الله يخشى من عباده العلماء ) الايه ما من فراغ

اطلبوا العلم من المهد الى اللحد

واطلبوا العلم ولو في الصين

دا يدل على انك تجتهد

صاح