بصراحه انا اسي بكتب في الموضوع دا وانا نعسان شديد من امس لحد اسي مانمت بس عشان انتوا دايما عزيزين علي يهون النعاس انا يا شباب ماحقوليكم اني انا عارف شئ كتير عن الجرافكس بس ياريت افيدكم ولو بجزء بسيط عن الجرافكس لاني شايف انو موضوع مهم ياريت بس تطولو بالكم بالقرايه
انا بصراحة مابحب الكلام المعقد رغم انو احيانا مانقدر نتهرب منه فموضوعي هذا للناس الي فكرتها ضعيفة عن الموضوع يلا يا حلوين
نبـــدأ
ببساطة الجرافكس ((تقريبا)) كل الي قاعدين تشوفوهو امامكم في شاشة الكمبيوتر باستثناء النصوص والصوتيات
طبعا عالم الجرافكس كبير وكبير جدا وان حبيتوه واتعمقتم فيهو فانا حاضمن لكم الغرق
انا ماعايز اتفلسف بتقسيم الجرافكس لاني ما عارف بأي قسم أبدأ لكن لو سألتوني وقلتوا لي يا branco شنو الحاجات الي ممكن نتعلمها في هذا المجال حقوليكم
1/ حتتعلموا حاجه اسمها معالجة الصور : يعني التلاعب بالصور الحقيقية والغير الحقيقية كألوان الصور وجودتها والتباين فيها والاضاءة والظلال وجعل من صورة غير حقيقية تبدو حقيقية
2/وحتتعلموا برضو عملية تركيب الصور : وهو دمج مجموعة من صور في صورة واحدة لتعطي نتيجة معينة , يعني نقوم بأخذ اجزاء معينة من صور واضافتها في صورة اخرى لنخرج بنتيجة غير حقيقية ممكن ان تكون منطقية او غير منطقية
3/وحتتعلموا كمان رسم الاشكال ثنائية الابعاد سواء بخلق صور من مخيلتنا او عن طريق شف (trace) صور اخرى ليكون لدينا نتيجة يمكن ان نلونها مثلا لغرض معين مثل رسم الشخصيات الكرتونية
4/بامكانكم ايضا ان تتعلمو رسم الاشكال ثلاثية الأبعاد بنفس الفكرة للرسم الثانئي الأبعاد وهذا مجال عميق جدا وبصفة عامة هو خلق اشكال هندسية يمكن ان نراها من اي جهة من الجهات وتدويرها وتحريكها بحرية مثل رسم المباني ورسم الشخصيات الخيالية مثل spiderman وغيرها
كل ماذكرته والكثير الكثير (انا اسي مامستحضر بالضبط) يمر بمراحل مختلفة يطول شرحها وهذه المراحل تختلف صعوبتها من مرحلة الى اخرى فمنها البسيط ومنها المعقد الذي ان تعلمته فستفتح باب كبير لنفسك ممكن يوصلك الى جائزة Oscar فمن يدري (ماتضحكوا انا بتكلم جد) جائزه Oscar اي
واجمل شيء في الجرافكس لما تاخذ عليه فكرة جيدة وحتى ان لم تتعمق فيه حتكون عندك قدرة على تمييز أغلب الصور التي تراها في الشبكة العنكبوتية ان كانت حقيقية او ان كانت تركيب وعشان ماتخلي زول يجدع عليك ويلعب بي عقلك بصور غير حقيقية قد تظن بأنها حقيقية
عندما تشاهد الافلام سيصبح لك قدرة ولو بسيطة على ان تفرق ماهو الحقيقي وماهو الغير حقيقي وما تقيف منطط عيونك وفاتح خشمك وتقول ((دي عملوها كيف))
اخواني الأعزاء الموضوع هذا مجرد كلام نظري ما دخلت فيه اسماء برامج ولا تعقيدات لكي يكون سلس عشان يفهمو أي زول انا ابتعدت قدر الامكان عن الكلام المعقد والشروحات المعقدة والمصلحات .
اتمنا اني ما أكون نسيت اي نقطة مهمة لاني بصراحة اكتب لكم هذا الشرح وانا نعسان شديد لكن ما خساره في حبايبنا واتمني يكون اسلوبي مفهوم ومافي
اخطأء املائيه وماتنسوا توروني لو كنت بشرح كويس وانا نعسان ولا لا
يلا يا حبايبي مع السلامه ااااااااااااااااااااااااااااااااااااااااااااااهم .
السبت سبتمبر 05, 2009 6:39 pm
