الطلاب ... و غياب الوعي السياسي

عدد المساهمات : 18 تاريخ التسجيل : 28/08/2009

شباب كيفكم
.........................
..........................
..........................
...........................

طبعا زي ما مكتوب في عنوان البوست (الطلاب و غياب الوعي السياسي)
و اكيد انتو شفتو الواقع الجامغي بتاعنا و عارفين الحاصل شنو

جرب يوم اسأل واحد من الطلاب عن الواقع السياسي في الجامعة

اول حاجة يقولا ليك (يااااخ انا مالي ومال السياسة) و انا متاكد انو في زول فيكم مرة
بموقف زي دة

وانا عن نفسي بعزي الواقع دة لغياب العمل الساسيي في الجامعة
والله يستر بكرة ما معروف حـ يحصل شنو

نشوف اراء الشباب
و في الختام بقول
كثف دخولك في فضاءات النضال و استبن لونك
و اخرج عن الطاعة في مواقيت الغضب
ضع دورك في دورق او احترق
او ,, فاحترق الصفوف

الرائع جاكس فور لايف (حوتة)
مشكوووووووور على الموضوع وبصراحة زي ما قلت في انعدام كامل للوعي
داخل الجامعة وابتعاد الطلاب عن الفهم السياسي بنسبة مائة في المائة
ودا برجع لعدة اسباب
انت ذكرت واحد منهم يا محمود وهو عدم قيام الاحزاب والتنظيمات السياسية
بالدور المهم والكامل واهتمامهم بتثقيف الطالب وكذلك ضعف المنابر السياسية
بصورة ملحوظة وعدم الاهنمام من التنظيمات بطريقة الحوار في
اركان النقاش.

والسبب التاني الهتر السياسي الموجود واهتمام بعض كوادر التنظيمات
بالقشرة بانتمائهم لهذا الحزب والراس فاضي وعدم مقدرتهم بتوصيل الفهم
للطلاب بصورة سليمة

والسبب الثالث الخوف والعنف السياسي فيقول ليك انا مالي عشان هو
خايف من اي مشكلة تحصل يكون هو الضحية

السبب الرابع وجود احزاب سياسية من اهم اولوياتها انو الطلاب يكونو غير واعيين
وغير مدركين للسياسة لانو لو الطلاب عرفوا حقوقهم وفهمو السياسة بشكلوا خطر كبير
عليهم فيلجئوا لاسلوب التخويف با ختلاق مشكلة مع تنظيم معين وادخال الطلاب
الغير منظمين في المشاكل

السبب الخامس عدم وجود كيان سياسي للطلاب الغير منظمين فلمن كنا في الجامعة عملنا
كيان اسمو المنبر الطلابي للطلاب الفلوتر وكنا كمية كبير ة ووجد الطلاب ضالتهم في هذا الكيان

ودمتم

وانا حاكتب ليك عن موضوع المنبر الطلابي بصورة اوسع
في موضوع منفرد
وين باقي شباب ال 14 خليهم ينضموا للمنتدى

عدد المساهمات : 62 تاريخ التسجيل : 08/09/2009

انا عن نفسي فعلا خارج السياسة للأسبات التالية:-

أولا :مافي اي حزب يتوافق مع اهدافي وافكاري

وثانيا: جميع الاحزاب الحالية تهتم بنقد الاحزاب الاخرى عوضا عن اثبات نفسها في المجتمع

وثالثا: انو انضمامي لأي حزب لن يؤدي لأي تغيير في الدولة أو حتى في الجامعة

وأخير: انو الدخول لعالم السياسة يقتضي ضياع الوقت واشتغال البال بما لا فائدة منه

يديك العافية اخوي على الموضوع

وتقبل مروري

معليش يا بلاك نايت في دي انا ما معاك
اسبابك منطقية لكن دا ما بخليك تكون بعيد عن السياسة حتى ولو من جانب الفضول
ولو قريت تعليقي على الموضوع اشرت الى وجود كيان ما عندو علاقة بالتنظيمات السياسية
والاحزاب لكن بوعي الطالب وبخليهو يعرف حقوقو كلها
وواجباته على الاقل نحو بلده
اقرا تعليقي وحتعرف القصد
ومشكور على المرور مع عدم موافقتي لرايك

عدد المساهمات : 62 تاريخ التسجيل : 08/09/2009

الكيان اللي انت قاصدو دا

اذا كان ما عندو علاقة بالتنظيمات السياسية حيكون حزب سياسي كيف؟؟؟؟

وبعدين واجباتي وحقوقي معرفتي ليها ما حتفرق كتير
اذا كان كلا الطرفين متجاهل النقطة دي...........(اذا كنت فاهم قصدي)

اتمنى انك تشرحلي اكتر عن الكيان دا وكيف ممكن الاقيهو

جدا يا فارس انا حانزل بيهو بوست
انشاء الله
ونتواصل
وبصراحة بحيي فيك الوعي البتتمتع بيهو

عدد المساهمات : 4 تاريخ التسجيل : 13/09/2009

السياسة احدى العلوم الإجتماعية التي تسعى لتطوير المجتمع
موضوع النقاش كبير لكن يمكن تلخيص نقاط :

- النظرة السالبة للسياسة داخل المجتمع السوداني ،وهذا راجع لتخبطات أحزاب السودان القديم – الأمة ،

الإتحادي ، الشيوعي الاسلاميين – منذ الأستقلال شوهت السياسة الى ان أصبحت في نظر الغالبية ضياع زمن بل الأفضل عندهم تشوف مصلحتك وين .

- مناهج التعليم – منذ الروضة - أكبر كارثة لأنها لا تبصر الطالب بحقوقه الأساسية كمواطن ، بل تكرس للتلقين والتحفيظ وليس تفعيل العقل لذلك يكون من درس الجامعة أو أي مرحلة اخرى كمن لم يسمع بالجامعة ، بل الأسوأ من ذلك أنها تكرس لاقصاء ثقافات موجودة في السودان وعدم قبول الآخر .

- سيادة ثقافة القطيع – الاتباع من غير إختيار - داخل المجتمع السوداني هذه إحدى ظواهر المجتمعات المتخلفة .

- الدكتاتورية تعمق أن يكون هنالك اتجاه واحد أما الإتجاهات المعارضة فهي ( طابور ) ويجب محاربتها .

- تشويه احزاب السودان القديم لمسألة الديموقراطية بأخذها فقط أداة للوصول الى السلطة وتعريفها – سطحي – بأنها حكم الشعب للشعب ، وليس أخذها بأنها سلوك إجتماعي ينظم الإختلاف في كل مستوياته .

- أغلب الجامعات غير مؤهلة لتصبح في مستوى كلمة جامعة مما يساهم في زيادة الضغط الأكاديمي على الطالب .

- تدهور الأحوال المعيشية وسيادة ثقافة المصلحة ( مصلحتي وين ) ,

- ضعف التنظيمات السياسية في جامعة الزعيم .

حتماً لك الخلاص يا وطني

عدد المساهمات : 29 تاريخ التسجيل : 29/08/2009

السلام عليكم
أولاً كل سنة والناس بخير
ثانياً الموضوع جميل
وبنقول...
بالنسبة لـblacknight
معاك في أنو مافي حزب مقنع
لانو الكوادر بقى هدفها
مش طرح سياسي بس هتر زي ماقال الكارب
وبالنسبة للعنف ما فاهم طالب بضرب أخوه الطالب
وما فاهم أنو سياسي يتناول الدين في كلامو ويتوقع انو الناس ماتثور عليهو
المعروف عن السياسي
انو بيقنعك بالداير يقنعك بيهو بأقل عدد من الكلمات.
يعني علم وفهم ودراسة
أما العندنا في الجامعات دي عوارة
إذا كان في سياسة بجد صدقني انت براك حيبقى ليك لون سياسي (يعني سياستنا زي الكورة حقتنا)
أما موضوع انك تقيف وتخلف يديك ده ماحل
ولازم يا فردة تعرف حقوقك وتسعى ليها بالعقل (بالسياسة)
وأخيرا
نتمنى من الساسة العندنا على الأقل يحاولو يغيروا الواقع الحالي
عشان مانبقى زي بعض البلاد نكتب (ممنوع الحديث في السياسة في المطاعم)

انا ما \اير اقول انو الزول يكون منظم
بس العايز اقولوا انو مفترض الطالب يمون ملم ومدرك بالسياسة
وبخقوقوا وواجباتو وعارف الليهو والعليهو

وكمان يقدر يناقش لو سالوهو

الكلام كبير

ومنسي السودان كلامك رائع جدا

ومشكوورين شباب

» من هو السياسي
» إلى جميع الطلاب والطالبات فى السودان الشقيق
» إلى جميع الطلاب والطالبات فى السودان الشقيق
» إلى جميع الطلاب والطالبات فى السودان الشقيق