موضوع: علشان تعرفو بس .............. الأحد سبتمبر 13, 2009 3:08 am
القصة دي حقيقية وبتمثل بنات السودان
المكان : خارج السودان الزمان : فى وقت ما الأحداث : مها تعتقد ان عباس يحبها وهي سعيدة بهذا الاحساس ، وتحكي لصديقتها سلمى ، عباس نظر لي وقال عني ( وهم في راسها ) ، وسلمى تسمع وما لاقت عباس بعد . وفى حفل التقى عباس وسلمى (دنق دنق دنق موسيقى تصويرية) ثم اللقاءات المتعددة وتخطف سلمى عباس من مها . وتكون الخطبة ، ثم التخطيط للزواج ( انا عاوزة 10 تياب ودهب ب 10 مليون و10 شباشب ...الخ ) معقول بس يا سلمى وانتي عارفة ان ظروفنا ما على قدر كده . سلمى : عشان كده انا خليتم 10 بس ( يعني يا الشقية كنتي عاوزة كم ؟؟) عباس : طيب مشي حالك ب 7 ( هو زاتو داير يكبو ليهو موية الفول في راسو ) سلمى : لا يا 10 يا أنا ( انتي تطيري ) عباس : مغلوب على أمرو ومسكين خلاص خلاص . يتم الزواج وفق رؤية سلمى . سلمى : انا عاوزة قروش يا عباس عباس : يا سلمى انا موش اديتك هسه ونحن طالعين من عرس يعنى بشويش علينا سلمى : عاوزة اضرب لي امي سلمى : امي كيفك ومشتاقة ليك ، تتصوري عباس بخيل وما بصرف علي . ام سلمى : معقول ؟؟ سلمى : ده يا دوب بجيب ليهو 2 كيلو لحمة فى اليوم ( الله لا كسبك هو انتي الشقية بتاكلي كم ؟؟ الشئ تمساح ؟؟ هم كلهم اتنين بس !!) ام سلمى : انا ابوك بديني وبشتري لي وبسفرني ووووو سلمى : يا ريتي لو عرست ابوي تاني يوم ، تضرب سلمى لأمها . سلمى : ازيك يا امي تتصور الليلة عباس بصق ( صيغة مبالغة في ان سلمى تحكي لأمها ادق التفاصيل فى بيتها مع عباس ) ام سلمى : سوى كده وكده ( تحريش ) عباس : يا سلمى بيتنا ده اسرار ما مفروض تطلع لأمك سلمى : لكن انا ما عندى زول غير امي احكي ليه عباس : وما ممكن كمان كل يوم تضربي ليها تلفون سلمى : الله ؟؟ ده حقي عليك تديني عشان اضرب لأمي كمان ما عاوزني اقاطع اهلي ؟؟ عباس : منو هسه القال كده ؟؟ بس كمان بالمنطق
القصة دى فى طياتها الكتير وكل واحد وشطارتو
(وطبعا دا الواقع اللي بنعاشرو حسي وما اعتقد انو في زول يقدر ينكر الكلام دا)
كلام جميل بس الشايقي الجابو لى حماقى شنو كان ممكن تكون القصة الاولى عن شايقي وهو الزول دا لو ماقدر الصرف وطلباتها دي كلها مالو مهبش في بت مدلعة واكيد الزولة دي ولا من مستواهو ولا حاجة وهو لازم ينفذ اي طلب تطلبوا لانها رضت بى واحد اقل منها
contessa
عدد المساهمات : 140 تاريخ التسجيل : 12/08/2009 العمر : 37 الموقع : قصر الكونت
موضوع: رد: علشان تعرفو بس .............. الثلاثاء سبتمبر 15, 2009 5:50 am
انا معترضة على اخر تعليق يعنى نحنا عالم ما دخلناهو ولا بنعرف فيهو حاجة ما ممكن نفتى فيهو. وهو عباس ده بتشوبر مالو على قد لحافك مد رجليك انت كنت وين لمن سمعت ونسة النسوان دى
The Black Knight
عدد المساهمات : 62 تاريخ التسجيل : 08/09/2009
موضوع: رد: علشان تعرفو بس .............. الأربعاء سبتمبر 16, 2009 8:23 am
عاينو مروة دي بتغلط على الشوايقة وانتو بتتكلمو على قد لحافك مد رجليك انتو يا البنات ما خليتو فيها لحاف اساسا
البنات اغلبهم كدا بعجزو العريس لمن يطفشو من العرس وبالمناسبة يا كونتيسا انا ما كنت قاعد مع النسوان ديل لكن كنت رامي الطعمية
يديكم العافية على المرور
alkarib
عدد المساهمات : 527 تاريخ التسجيل : 03/08/2009 العمر : 41 الموقع : الحلاوين
موضوع: رد: علشان تعرفو بس .............. الإثنين أكتوبر 12, 2009 1:40 am
الأحد سبتمبر 13, 2009 3:08 am
