كان في زول سايق بسرعه في الطريق ومعاهو مرتو فجأه شاف في المرايه بتاع المرور ياشر ليهو
قام الراجل وقف العربيه وسال الراجل بتاع المرور :في شنو
بتاع المرور : انت سايق فوق الـ 180 كيلو في الساعه والطريق دا سرعته 60 عشان كدا حديل ايصال
الراجل :لامعليش انا كنت متعدي 60 بي شويه
المره :لا انت كنت ماشي علي الاقل بي 160
(قام اعطي الراجل زوجته نظره حقد)
بتاع المرور : وبديك مخالفه برضو عشان الخطر مكسور
الراجل:مكسوووور ! انا ماكنت عارف انو مكسور
المره: اوووه انت كنت عارف انو مكسور من كم اسبوع حتي قلت ليك صلحو
(واعطاها نظره حقد تانيه)
بتاع المرور : وبديك كمان ايصال تالت عشان مارابط حزام الامان
الراجل :انا فكيت الحزام اسي لما وقفت العربيه وجيت ماشي علي
المره :لا لا لا لا انت عمرك ما ربطت حزام الامان
(التفت الزوج لزوجته انت مابتعرفي تسكتي ابدا)
سال بتاع المرور الزوجه الزول دايما بكورك كدا
المره :بكورك كدا لما يكون سكران بس
بتاعا المرور ؛ ســـكــران
الراجل :لالالالالالا ماتصدقها دي بتخرف ساي
المره :ماعليك منو اصلو العربيه ياداب العرقي خلص منها من يوم ماسرقناها
بتاع المرور :يعني العربيه مسروقه
الراجل:مسروقه شنو الله يهديك سيبك منها ويلتفت لزوجته (لو ماسكتي حطلقك)
بتاع المرور : هل هو دائما يهدد بالطلاق كدا
المره : طيب خليهو الاول يعرسني بعدين يهدد كان داير يهدد
عمركم شفتو مره زي دي يا عيني ودت راجلا في داهيه
ان كيدهن عظيم
الأحد سبتمبر 13, 2009 6:07 am
