السلام عليكم
الموضوع جد خطير وأهم شي أراء الناس
زمان كانن البنوت (البنات) بغنن ويقولن شقو يدخل السحلية (الشق في رجل الراجل من الخشونة يعني)
وكانت الأم لما تلد الولد تقول:
مرحب يا جمل شيلي (عشان الجمل معروف بقوة التحمل وقدرتو على حمل حجات كتيرة)
أحنا ما دايرين رجال زي زمان بس دايرن
رجـــــــــــــــــــــــــــــــــــال
من عدة نواحي :
أولا: المظهر
بقو الأولاد بهتمو بالموضة أكتر من البنات
وللأسف بيضايقو البنات في لبسن(نوع ديل مريحين أهلم أبوهم ممكن يشتري للبت وأخوها يلبس معاها
)
ولد يلبس وردي أو بنفسجي (خجلت ليك)
كلو كوم وأنو يلبس مخصر ده كلام تاني أما البتلقاهو فاتح صدرو
عشان شو ؟؟
والواحد كان وقعت منو حاجة إلا يمشي يخليها (مابيقدر يدنقر)
انت راجل؟؟
وفي النوع التسلم عليهو (زي البتسلم علي واحدة)
والتلقاهو ضراعو (عزرا الضراع للرجال بيقولو ضراعو مخدر كناية عن كرمو)
قصدي عصيباتو (طيب أقلو ربي عضلات) (اللبسة دي أسمها أدني حقنة)
ثاميا: السلوك
الحمد لله المجتمع السوداني فيهو قيم جميلة كتير
سب الدين :
(مخرج من الملة)
بعدين تسب الدين ده أبوك سالي فيهو سيف
كل كلمة والتانية سابي الدين قايلها رجالة لا والله أنت أبعد ما تكون عن الرجالة أو الشفتنة
ما تصلي لي شنو؟؟ (إلا يكون ما عليك صلاة : بت يعني)
الحمد لله جامعنا من أكتر الجوامع البتتملي وأغلبية شبابنا الله يديهم العافية بصلو
بس الشباب بقو يستقو تصرفاتهم وسلوكهم من الديجتال(ناسين إنهم في بلد ليهو ديانتو و تقاليدو وعاداتو البتختلف عن البيشوفهو في الديجيتال)
مثلاً يهزر مع بت يقوم يضربها في كتفها (
والله الزول يشفق عليهو زي دا يظهر كيف مع فردو تاني؟)
تلقاهو ماسك يدها ويلعب بيها في نص الجامعة (أنت قايلها رجالة؟؟؟)
لااااااااااااااااااااااااااااااا زي ما أنت بتعمل كده في (شفت: مفتح) تاني بعمل الحاجة دي لأختك ولو ما عندك أخت بعدين بيكون عنك بت أو مرة حتى (عرض يعني) -وكما تدين تدان-
وفي حاجة تانية كده هي ما حتحترمك ولا حتذكرك بالخير (ده إذا كنتو جادين)
إذا ما أحترمتها كبت ناس وما أحترمت نفسك أحترم المحل الأنت فيهو والناس الحولك
(وبعض مرات الناس بتشوق الغلط وتسكت
)
ونذكر بحديث الحبيب المصطفى-صلى الله عليه وسلم-
من رأى منكم منكراً فيغيره بيده فإن لم يستطع فبلسانه فإن لم يستطع فبقلبه وذلك أضعف الإيمان) أوكما قال عليه أفضل الصلاة وأتم التسليم.
بقينا ما شايفنو غلط ولا بقى مامهم ما ديل أخوانا ومفروض ننصحهم (أقلو)
تخيلو في كم مرة بلقى أولاد بيشاغلو في بت زميلتهم في الجامعة
(-والله دي أغرب حاجة- لا والأغرب مرات البنات بيكونو سنايرهم
عندنا زميلتنا شاغلوها في الشارع في الميدان (ديل برالمتكم يا كارب: لاب مساحة) قايلنها هينة فقبلت عليهم وحسمتهم( شدتا ليهم) عيــــــــــــــب (بس عافي منها
)
انت لو راجل ما تشاغلها براك ما في نص أخوانك (وديل زاتم ما أخوان : ديل أخواتك)
الكلام دا ما معناها البتكلم عنهم ديل ما رجال في شكلهم بس كمان بقى عندنا أولاد ما رجال بتصرفاتهم
والحمد الله في رجال تختهم على الجرح يطيب فليهم كل التحية
الكلام عشان الشباب الصغار ديل في يوم من الأيام حيكونو أباء أو أخوال أو أعمام
أرجو المشاركة بالردود لعموم الفائدة
السبت أكتوبر 17, 2009 3:27 am
