مبارة وهمية بين المريخ والهلال نقوم بالتعليق عليها كلنا
ومنها حنشوف الشعبية الاكبر هل هي للهلال او للمريخ في هذا المنتدي
وعشان يكون التعليق فيه نوع من الواقعية حانزل مجموعة من القوانين عشان تكون الشغلة زابطة وعاوزكم كمان تشاركوني الراي والفهم عن طريق الاقتراحات
حاورد كمان مثال عشان الفكرة تزبط
القوانين:
1-التعليق يكون بلغة محترمة ولاكن لاتخلو من الطرافة والابداع يعني ممكن اقول مثلا : مهند الطاهر يسجل هدف وينط وكسر راسه
ولا ممكن اقول الكورة مع قلق وبدا يهوزز راسو يالله السلامة
2-مافي اقوان من نص الملعب ولا من الحارس
3-الاعب يستلم الكورة اما راوغ ولا باصا ولا سدد الكورة والنتيجة بتاعت الحاجات دي بتعتمد على الزول البعدو :يعني مثلا اقول( الكورة عند هيثم ويمرر بين المدافعين لكاريكا) اها لو الزول البعدي كان هلابي ممكن يكمل ويقول( كاريكا يستلم الكورة ويسدد على المرمى قوية)
اها البعدم لو هلالابي ممكن يقول( قووووووووووووووووووووووووول جميل نار يا حبيبي نار ولعها الهلال )
والسيناريو ممكن يكون مغاير تماما لو خش زول مريخابي يعني ممكن من تمريرة هيثم يخش زول ويقول (الزومة يقطع الكورة بكل مهارة ويمرر باص طويل للملك عجبنا
وهكذا)
4-ممكن بعض التعليقات ما تصل في محلها وتخرمج الشغلة فاي تعليق مافي محلو ما بتحسب لازم يكون متناسب مع التعليق القبلو
5- النتيجة بتاعت اللقاء بتتعرض كل 10 بوستات
اها انا كده وقفت اي زول عندو اي اضافة يضيف على طول